«Номостың» Батыстық Емес Шығу Тегі немесе Ар-Ұждан Тұжырымдамасының Астарындағы Дауыс

Аңдатпа

Бір кездері батыс және шығыс әлемде «Номос» ұғымы бұл адамның ар-ұжданын басты құндылық деп қарайтын құқықтық басқару жүйесін құруға негіз болды. Бірақ неліктен «номос» ұғымы бұл батыс әлемінде жаңа дәуірде либерализм мен демократиялық саяси жүйенің қалыптасуына негіз болған басты саяси ұғымға айналдыда, ал мұсылман әлемінде, оның ішінде түрік әлемде бұл ұғым өзінің бастапқы мәні мен қызметін жоғалтты. Бұл концепция бізге тарихқа дейінгі дәуірден қазіргі заманға дейінгі әртүрлі тілдік және мәдени кеңістіктерде қалыптасқан әртүрлі саяси басқару жүйелері мен құрылымдары туралы ақпарат бере алады. Бұл өз кезегінде либералдық демократиялық жүйе тек Батыс Еуропа әлемінде капитализмнің пайда болуымен бірге туды деген көзқарасты қайта қарауға және Батыс либералдық құндылықтарды жасаушы және таратушы, ал батыстық емес әлем оны тек үйренуші және қабылдаушы деген басым көзқарасты қайта қарауға жол ашады. Мен бұл мәселені «номос» ұғымының Делөздік концептуализациясын, әсіресе оның «Ризома» тұжырымдамасын деконструкциялау арқылы зерттеймін Менің ойымша, «Номостың» постмодернистік концептуализациясы да қазіргі қате ұғым-түсініктерге себеп болып отыр.